رسالة بقلم صاحبة السمو الملكي الأميرة ديمة بنت منصور بن سعود آل سعود

إلى شبابنا وشاباتنا في السعودية، لو فيه شيء تعلمته مع الوقت، فهو إنك ما تنتظر الفرصة المثالية، ولا تنتظر أحد يقول لك إن الوقت صار مناسب. أحياناً كل اللي تحتاجه هو إنك تبدأ، وتصنع لنفسك فرصتك ومكانك.

مو لازم تكون كل الصورة واضحة من البداية. كثير من الأشياء اللي تستحق تبدأ بفكرة صغيرة، أو فضول، أو حتى محاولة ما تعرف وين بتوصلك. المهم إنك تبدأ، وتجرب، وتتعلم، وما تخاف تغيّر اتجاهك في الطريق. ثق بخطواتك، حتى قبل ما تعرف وين بتوصلك.

وأهم شيء، لا تقيس نجاحك فقط باللي وصلت له أنت. النجاح الحقيقي مو إنك تكون لحالك في الصورة، النجاح الحقيقي يكبر لما تكبر الدائرة معك، ويصير له أثر.

اليوم، الفرص في السعودية أكبر، والطموح أكبر. والأجمل إننا نعيش في وقت نقدر فيه نصنع أشياء تشبهنا فعلاً، ونكون جزءاً من اللي نبي نشوفه في مستقبل بلدنا.

ما نحتاج نقلّد أحد، ولا نتخلى عن هويتنا عشان نوصل للعالم. بالعكس، اللي يميزنا هو قصتنا، وثقافتنا، ونظرتنا المختلفة. أتمنى إن جيلنا والأجيال اللي بعدنا ما يكتفون بالفرص الموجودة، بل يصنعون فرصاً جديدة، ويفتحون الطريق لغيرهم. ابدأ حتى لو ما كنت جاهز. جرّب. اغلط. تعلّم. غيّر. وثق بنفسك أكثر مع كل خطوة. Trust the process.

لأن أحياناً ما نعرف قيمة الطريق وإحنا نمشيه… نعرفها لما ننظر للخلف ونشوف وين وصلنا.