إبراهيم حسن: لا نرى ميسي.. ولدينا 26 منه في منتخب مصر

أشاد إبراهيم حسن، مدير منتخب مصر، بالروح التي ظهر بها لاعبو الفراعنة خلال مشوارهم في كأس العالم 2026، كاشفًا تفاصيل إصابة محمد صلاح، وطريقة تحضير شقيقه المدرب حسام حسن للمباريات.

وبلغ الفراعنة ثمن نهائي المونديال، أمس الجمعة، بالفوز على أستراليا بركلات الترجيح (4-2)، إثر التعادل في الوقتين الأصلي والإضافي (1-1)، وضربوا موعدًا مع الأرجنتين الفائزة على الرأس الأخضر (3-2) بعد التمديد.

وقال إبراهيم حسن خلال مداخلة هاتفية مع الإعلامي أحمد موسى، في برنامج "على مسئوليتي" المذاع على قناة "صدى البلد": "صلاح لما خرج من المباراة ضد إيران كان فيه إصابة، وفيه مجهود اتعمل علشان يلحق مباراة أستراليا.. إصابة صلاح في العادي تاخد 10 أيام على الأقل".

حسام حسن ينضم لقائمة ثلاثية تاريخية مع وهبي والركراكي

إنجلترا تستعين بالفياجرا أمام المكسيك

وأضاف: "حسام مذاكر ومستعد لكل مباراة كأنها امتحان، حسام بيذاكر كل فرقة، وبيحفظ اللاعبين كل حاجة عن الفريق المنافس، علشان كده تلاقي اللاعبين عارفين كل حاجة.. كمان حسام مدي اللاعبين كل الثقة، ومن أول يوم، اللاعبين قالوا لحسام: إحنا مش عاوزين نروح ومكملين هنا".

وتابع الظهير الأيمن السابق للفراعنة: "بنقول للاعبين العبوا وأدوا اللي عليكم، إحنا مش عارفين هنلعب تاني كأس عالم ولا لا، مش عارفين عمرنا فيه كام كأس عالم.. هيثم حسن إمبارح قدم مباراة كبيرة، وكان جاهز للمشاركة، وحسب ظروف المباراة بيتم إشراكه".

وحول المواجهة المرتقبة مع الأرجنتين بقيادة الأسطورة ليونيل ميسي، الثلاثاء المقبل، قال إبراهيم حسن: "إحنا مش شايفين ميسي، بنقول للاعبين انزلوا العبوا ومتشوفوش انتو بتلاعبوا مين.. هم عندهم ميسي، واحنا في مصر عندنا محمد صلاح، و26 ميسي، وإن شاء الله ربنا يكرمنا".