مي عمر تكشف أسرار جديدة عن حياتها بندوة خاصة في مهرجان البحر الأحمر - Musicnation - ميوزيك نايشن

خلال ندوة حوارية لـ مي عمر على هامش فعاليات الدورة الخامسة من مهرجان البحر الأحمر السينمائي المُقام حاليًا في جدة، كشفت مي عن أبرز محطات مسيرتها الفنية، مؤكدة أن أهم الأعمال التي قدّمتها كانت مع المخرج محمد سامي.

وقالت مي:”أهم أعمال عملتها في تاريخي كانت مع محمد سامي. أكثر أعمال وصلت للجمهور كانت معاه، وأنا الجمهور هو السبورت الأول والأخير ليا.”

وأوضحت مي أن الجمهور كان دائمًا الداعم الأكبر لها، قائلة: “أنا يمكن من أكثر الناس اللي تعرضت لانتقادات كتير جدًا من أول ما طلعت، ومع كل انتقاد ومع كل عقبه كانت بتقف قدامي، أو كل حد بيحاول يوقفني، كان اللي في ضهري دايمًا هو الجمهور، واللي بينجحني هو الجمهور. لما كان عمل لي بينزل وكنت بحس إن في ناس بتحاربني، كان اللي بيسبورتني هو الجمهور، فعشان زي ما قلت لك، أنا عشان كده هدفي الأول والأخير هو الجمهور”.

وكشفت مي عن عمق علاقتها بـ محمد سامي، قائلة: “بصي، هي العلاقة دي بدأت من زمان قوي. إحنا نعرف بعض من صغرنا، فاحنا حضرنا الحلم مع بعض من البدايات. يعني من زمان قوي قوي قوي، من قبل يمكن ما يخرج من قبل ما أنا، ومن ساعة ما كان عندنا طموحات وأحلام”. وأكدت مي عمر أنها تتذكر جيدًا أيام سفرهم في شهر العسل، حيث زاروا “يونيفرسال ستوديوز” في سنغافورة، واشتروا الجوائز البلاستيكية وتصوّروا بها متخيلين يومًا ما سيحصلون على جوائز حقيقية.

وأضافت مي عمر: “فلما بنعمل مع بعض ونتكرم مع بعض وبناخد جوائز بحس إن إحنا عدينا مشوار طويل قوي. هو محمد سامي وأنا باخد رأيي في كل حاجة، يعني فنيًا وشخصيًا، وعلى الجانب الفني أنا بثق فيه جدًا جدًا”.

وحول إن كان تعاونهما سيستمر مستقبلا قالت: ” أنا أتمنى”، وتوجهت لمحمد بالسؤال الذي كان بين جمهور الندوة:”يه رأيك؟ أستاذ محمد؟ .

وكانت مي قد أشارت إلى أنها تعاونت سابقًا مع عدد من المخرجين مثل رامي إمام وكريم العدل، مؤكدة أنه كان لديها أعمال من قبل، غير ان الأعمال لاقت جماهيرية كبيرة مع محمد.

وأضافت مي: “أكيد هنشتغل مع بعض كتير. يعني أنا بحب جدًا أشتغل معاه… هو بيحب ولا لا، بس أنا بحب. وأي حد يتمنى يشتغل معاه.”

الرابط: https://www.musicnation.me/?p=263849