تامر حسني يحذر جمهوره: متضيعش عمرك و دقات قلبك على حاجات متستاهلش

وجّه الفنان تامر حسني رسالة إنسانية إلى جمهوره، حثهم فيها على تقدير الوقت والعمر، مؤكدًا أن حياة الإنسان ما هي إلا عدد محدود من دقات القلب التي لا يجب إهدارها في المشاعر السلبية من الحزن والخلافات.

إعداد: آية الزيني

"5 مليار دقة قلب"... رسالة تامر حسني لجمهوره

وكتب تامر حسني عبر صفحته الرسمية بمواقع التواصل الاجتماعي الـ"فيسبوك": "سمعت تحليل عظيم أحب أنقلهلكم جايز يفيدكم بس ركزوا فيه جداااااااااااااااااً ربنا سبحانه و تعالى بيخلقك و يديك هديه، 5 مليار دقة قلب مثلاً لو هتعيش لـ 75 سنة أو 80".

وتابع شارحًا فكرته: "شوف بقى تقريباً أنت ضيعت منهم 2 مليار و نص خلاص، طبعاً كلامي على المواقف اللي في إيدينا نغيرها، فا تيجي بعد شوية تقول لنفسك أيه دة !!!! هل المواقف اللي عيشتها دي كانت مستاهله أضيع عليها من عمري كل الدقات دي !؟؟".

وأضاف حسني مؤكدًا على ضرورة استعمال العقل في حساب الأمور التي تستحق قائلاً: "فا أنت او إنتي من دلوقتي قولوا لنفسكم.. هل القصة دي او الزعل ده او المشكله دي هتاخد من حياتي مثلاً 20 ألف دقة قلب.. هل تستاهل؟ المقصود إنك متضيعش عمرك و دقات قلبك على حاجات متستاهلش".

واختتم رسالته بتوجيه النصح نحو التركيز على المستقبل، قائلًا: "دايماً بقول إن اللي صاحي دلوقتي و الكلام وصله او وصله بعدين يبقى فعلاً هو محتاج يسمع الكلام ده عشان يتقدم و يغير في نفسه لأن في حاجات حلوه مستنياه، و ميبصش للماضي عشان محدش هيعرف يمشي لقدام و هو باصص لورا أكيد هيقع او هيمشي غلط، بص قدامك ركز في ورقتك و حالك مش حال الناس، مستنيك نجاح كبير روحله و متضيعش وقتك و دقات قلبك في حاجات متستاهلش".

تامر حسني يوضح: "كلامي على المواقف اللي في إيدينا نغيرها".

ومن خلال حسابه على موقع "إنستغرام"، وضح تامر حسني منشوره السابق، طالبًا من جمهوره التركيز على ما يمكنهم التحكم فيه وتغييره، مفرقًا بين ما يملكون من قرار وما لا يملكون من قَدَر، حيث كتب: "طبعًا كلامي على المواقف اللي في إيدينا نغيرها، مش على الحاجات اللي مش في إيدينا".

تامر حسني يحقق رقمًا قياسيًا جديدًا بـ الاحتياج وحش

احتفل تامر حسني مؤخرًا من خلال حسابه الشخصي على موقع الصور والفيديوهات "إنستغرام"؛ باختيار منصة "بيلبورد عربية" أغنيته "الاحتياج وحش" كأفضل فيديو كليب لعام 2025؛ معبّراً عن سعادته، واعتباره تقديراً مهماً للأغنية، بالإضافة إلى توجيه الشكر لكلّ الصناع والقائمين على العمل.

حيث كتب تامر: "خبر جميل فرّحني لأن الأغنية دي حقيقي أغنية فنية مميزة، يمكن مش أعلى المشاهدات، بس أنا واثق إن ليها عشاق بيحبو وبيقدّرو النوع الساخر ده لما يتكلم عن أوجاع كبيرة موجودة، على نهج (هَم يضحّك)".

وتابع تامر حسني موجهاً الشكر لكلّ صنّاع الأغنية؛ قائلاً: "شكراً لصنّاع الأغنية. الشاعر محمد القاياتي. الملحن بلال سرور. الموزّع علي فتح الله. أتمنى اللي مسمعهاش يسمعها أو يتفرج عليها كليب تاني، ويركّز فيها ويفهم إزاي القلب ممكن يكون سبب كلّ حفرة بتقع فيها".

وأكمل تامر: "اسم الأغنيه (الاحتياج وحش). كل الشكر لجمهور الأغنية وكل الشكر لمنصة بيلبورد عربية. وطبعاً شكراً للراجل الجميل اللي شقي ورايا اللي لابس القلب الأحمر".

يمكنك قراءة.. خريطة حفلات رأس السنة 2026.. مشاركة واسعة لكبار النجوم

تامر حسني يحتفل مع جمهوره بالعام الجديد

في سياق آخر، الجمهور على موعد مع حفل غنائي مميّز، يحييه النجم تامر حسني بجانب النجوم إليسا وتامر عاشور، وذلك تحت عنوان: "مهرجان العاصمة الجديدة للعد التنازلي". وذلك في "أرينا العاصمة" حيث تستمر تلك الفاعليات يوم 31 ديسمبر لأكثر من 9 ساعاتٍ متواصلة؛ بدايةً من الساعة الثالثة عصراً وحتى ما بعد 12 منتصف الليل؛ إذ سيكون هناك عدد من المناطق الترفيهية، وأنشطة احتفالية، عرض الدرون، عرض ألعاب نارية.

لمشاهدة أجمل صور المشاهير زوروا «إنستغرام سيدتي».

وللاطلاع على فيديوغراف المشاهير زوروا «تيك توك سيدتي».

ويمكنكم متابعة آخر أخبار النجوم عبر «تويتر» «سيدتي فن».